ភ្នំពេញ៖ ការដ្ឋានសំណងមួយកន្លែង ដែលគេស្គាល់ថា ជាកម្មសិទ្ធ ឈ្មោះ លីសារ៉ាវុធ  បានធ្វើរបងព័ទ្ធ យកដីចំណីទន្លេប្រវែងជាង២០ម៉ែត្រ ចូលទន្លេ យកធ្វើជាកម្មសិទ្ធិរបស់ខ្លួន ។

ទីតាំងដែលសាងសងរបងថ្មមួយកន្លែងនេះ ដែលស្ថិតនៅជាប់កំពុងដរមួយកន្លែង

តាមបណ្តោយផ្លូវបេតុង ភូមិតាព្រហ្ម សង្កាត់ព្រែកឯង ខណ្ឌច្បារអំពៅ រាជធានីភ្នំពេញ ។

យោងតាមរូបភាព របស់អង្គភាពយើងផ្តិតយកបាន នៅព្រឹកថ្ងៃទី៨ ខែកញ្ញាឆ្នាំ២០២៣ នេះ ដោយការដ្ឋានសំណង់ខាងលើ សាងសង់មករហូតបានរួចរាល់១០០% ដោយមិនមានសមត្ថកិច្ច និងអាជ្ញាធរក្នុងមូលដ្ឋានណាអើពើ បន្តិចសោះឡើយ ។

ការដ្ឋានសំណង់មួយកន្លែងខាងលើ ដែលមាន ឈ្មោះ លីសារ៉ាវុធ ភេទប្រុស ជាម្ចាស់កម្មសិទ្ធិ មានទីតាំងស្ថិតនៅផ្លូវបេតុង ភូមិតាព្រហ្ម សង្កាត់ព្រែកឯង ខណ្ឌច្បារអំពៅ រាជធានីភ្នំពេញ មិនដឹងថាទីតាំងសាងសង់សំណង់រឹង

ខាងលើនេះ  មានលិខិតអនុញ្ញាត ឲ្យសាងសង់ ចូលដីចំណីទន្លេដែលជាសម្បត្តិរបស់រដ្ឋនេះ មកពីស្ថាប័នណានោះទេ ។

ប្រជាពលរដ្ឋ និងអង្គការសង្គមស៊ីវិល រងចាំមើល ឯកឧត្តម ឃួង ស្រេង អភិបាលរាជធានីភ្នំពេញ  លោក ចេង មុនីរ៉ា អភិបាលនៃគណៈអភិបាលខណ្ឌច្បារអំពៅ មានវិធានការបែបណា ចំពោះម្ចាស់ទីតាំងខាងលើ ដែលហ៊ានសាងសង់សំណង់រឹងដោយខុសច្បាប់ រំលោភដីចំណីទន្លេ ចូលក្នុងទន្លេយ៉ាងគឃ្លើនបែបនេះ ។

ជុំវិញករណីនេះ អង្គភាពយើង បានសុំការបំភ្លឺពីលោក ចៅសង្កាត់ និងរដ្ឋបាលខណ្ឌ

ច្បារអំពៅតាមរយៈលេខទូរសព្ទ ប៉ុន្តែមិនទទួលបានលទ្ធផល ។

ពាក់ព័ន្ធនឹងការចុះផ្សាយខាងលើ អង្គភាពយើងខ្ញុំ ធ្វើការផ្សាយទៅតាមវិជ្ជាជីវៈអ្នកសារពត៌មាន គឺរិះគន់ក្នុងន័យស្ថាបនា មិនមានចេតនាញុះញង់បំបែកបំបាក់បុគ្គលស្ថាប័ន ឬអង្គភាពណាមួយឡើយ ព្រមទាំងរង់ចាំទទួលការបកស្រាយ ពីភាគី ស្ថាប័នពាក់ព័ន្ធ រៀងរាល់ម៉ោងធ្វើការ ៕សូមអគុណ !