(កណ្តាល)៖ សង្វេកណាស់ លោកថុលលីណាដែលបងប្អូនធ្លាប់ស្គាល់ថាជាបេក្ខជន ប្រឡងចម្រៀង Cambodia Idol season2 បានជួបគ្រោះថ្នាក់ចរាចរណ៍ ខណៈលោកថុល លីណាបានជិះម៉ូតូដល់ផ្លូវកោងជ្រុលចង្កូតចូលគន្លងផ្លូវទៅបុកនិងម៉ូតូ១គ្រឿងទៀតជិះឌុបគ្នា២នាក់ទិសដៅបញ្រ្ចាស់គ្នា។

ហេតុការណ៍ខាងលើបានកើតឡើងកាលពីវេលាម៉ោងប្រហែល១០:៤០នាទី យប់ថ្ងៃទី០៩ ខែតុលា ឆ្នាំ២០២៤ នៅលើកំណាត់ផ្លូវ២១A ស្ថិតក្នុងភូមិលេខ៥ សង្កាត់ស្វាយរលំ ក្រុងតាខ្មៅ ខេត្តកណ្តាល ។

បើតាមការបញ្ជាក់ពីកន្លែងកើតហេតុបានឲ្យដឹងថា មុនពេលកើតហេតុគេឃើញម៉ូតូ១គ្រឿងមិនចាំម៉ាក ជិះឌុបគ្នា២នាក់ធ្វើដំណើរលើផ្លូវលេខ២១A ខណៈពេលជិះមកដល់ចំណុចកើតហេតុផ្លូវកោង ស្រាប់តែគេឃើញមូតូម៉ាកស្គុបពីរ១គ្រឿងទៀតជិះដោយលោកថុលលីណាដែលជាតារាចម្រៀង ធ្វើដំណើរក្នុងទិសដៅបញ្រ្ចាស់ទិសគ្នាយ៉ាងលឿនខណៈមកដល់ផ្លូវកោងក៏ជ្រុលចង្កូតចូលគន្លងផ្លូវជ្រុលទៅបុកនិងម៉ូតូ១គ្រឿងដែលជិះឌុបគ្នាពីរនាក់ចំពីមុខយ៉ាងពេញទំហឹងបណ្តាលឲ្យដួលអូសទៅមុខជាច្រើនម៉ែត្របណ្តាលឲ្យតងរបួសធ្ងន់ធ្ងរទាំងសងខាង ភ្លាមនោះដែររពលរដ្ឋជិតខាងក៏បានទាក់ទងទៅរថយន្តសាមុយឲ្យមកដឹកជនរងគ្រោះតែអកុសលដោយលោកថុលលីណារងរបួសធ្ងន់ពេកក៏បានស្លាប់នៅនិងកន្លែងកើតហេតុតែម្តង ចំណែកឯភាគីម៉ូតូ១គ្រឿងទៀតបានរងរបួសធ្ងន់ ២នាក់ត្រូវបានបញ្ជូនទៅសង្គ្រោះនៅមន្ទីរពេទ្យ ។

ក្រោយកើតហេតុសមត្ថកិច្ចជំនាញក្រុងតាខ្មៅក៏បានចុះមកវាស់វែងយកម៉ូតូទាំងពីរគ្រឿងទៅរក្សាទុកនិងធ្វើកំណត់ហេតុប្រគល់សពឱ្យទៅក្រុមគ្រួសារយកទៅធ្វើបុណ្យតាមប្រពៃណី៕